وفي ثواني بتخرج تفيدة...

 وهي قدام الباب بطلع  ازازة الرش عشان ترش منها قدام باب زين ...وهي بترش قدام الباب...

بتسمع صوت وراها بيقولها...

هنا بتتسمر تفيدة ومش عارفة تعمل ايه و بتبلع ريقهاا وبتبص تشوف مين ...بتلاقي ...

_الشغالة/ ست تفيدة ..انتي بتعملي ايه …و إيه اللي بترشيه ده قدام الباب …

وهنا كانت تفيدة خبت ورا ضهرها الإزازة…

تفيدة ب إرتباك …هااا …أنا …أنا 

الشغالة/ مالك ي ستي مش علي بعضك كدا …وايه الإزازة اللي خبتيها  ورا ضهرك …

تفيدة /هيكون  مالي يعني يا بت مخبتش حاجة ...

‏الشغالة/ ايوه شوفتك وانتي بتخبيهااا ...

‏تفيدة باين عليها القلق وعنيها بتروح يمين و شمال مش  عارفة تتصرف إزاي ولا تعمل ايه وبتاخد  نفسها ...دي ازازة. مياه عادية ...

‏الشغالة بتبص في عينيها وهي شايفة تفيدة مش علي بعضها حتي و هي بتتكلم بتترد في الكلام ...و متأكدة أن تفيدة من جواها مرعوب علشان أنها شافتها... وبكل مكر  بتقول ... إزاي يا ست تفيدة مش الإجازة دي فيها رش وكنتي بترشي منها قدام باب زين بيه ...

‏تفيدة بإرتباك  إيه اللي بتقوليه ده يا مجنونة اتهبلتي  في مخك يا بت ولا ايه إزاي تقول كده ...انتي ايه اللي طلعك هنا من أصله ...

‏الشغالة/ انا شغالة هنا يا ستي يعني الطبيعي اني اكون طالعة أنضف الأوض ...اه أنا دلوقتي فهمت زين بيه  طلق ست جنة ليه يبقى أنتي اللي ورا كل ده  واللي حصل ل ست جنة يوم الفرح ...افتكرت لما كنت طالعة بالأكل فوق وانتي خدتيه مني و قولتي هتطلعيه انتي ...ياااه هو أنتي للدرجة دي بتكرهيها اوي كده عشان تعملي كل ده 

‏تفيدة بتحاول تبين قدام الشغالة أنه مش هممها كلامها وتقرب تفيدة ناحيتها وبتمسك دراعها ... اخرسي يا بت كلامك ده كله غلط

‏الشغالة بخبث / طيب يا ست تفيدة أنا بقى أنزل لست راضية واحكي لها على اللي شفته وهي بقى تقرر  إذا كان كلامي صح ولا غلط 

‏تفيدة  تنزلي فين يا زبالة حس عينك تقولي الكلام ده لحد أنتي فاهمة وبتضغط تفيده قوي على دراعها  ...الكلام ده لو  طلع بره هوديكي ورا الشمس ...

‏الشغالة وهي بتقول ل تفيدة ... سيبي دراعي  دراعي هيتخلع في ايدك ... وبخبث يبقا اللي شوفته صح وانتي ورا كل اللي بيحصل في بيت حسن  الجبالي... هههههه يبقى علشان اسكت لازم تشتري تمن سكوتي...

تفيدة ...يعني إيه ...

‏الشغالة/يعني علشان اسكت وماجبش  سيرة لحد باللي شوفته عايزة  مليون جنيه ...

‏تفيدة مليون عفريت لما يركبوكي يا  بعيدة  مش بقولك اتجننتي  مليون جنية إيه اللي عايزاهم يا زبالة...

الشغالة /زي ما سمعتي كدا يا إما  هنزل  تحت بقا واخلي فضحتك تبقا قدام الكل ...وبعدين المليون جنية دول مش حاجة ...هتستخسري فيلات المبلغ التافه ده ...انتي كدا بتشتري نجاتك ...

‏تفيده وأنا مش هدفع ليكي حاجة واعلي ما في خيلك اركبيه 

‏الشغالة /طيب خليكي فاكرة بقى أنا قولت ليكي بالذوق شوفي هتعملي إيه لما زين بيه يعرف وفضحتك قدام عيالك

تفيدة ...انتي بتهدديني يا بت ولا ايه 

الشغالة/دي حلاوة روح بس ...

**هنا الشغالة ما صدقت أن الفرصة جات لها وأنها تستغل تفيدة و خوفها ...وقالت اطلع بمصلحة تخليها تعيش باقي حياتها في هنا ...وإنها فرحانة أنها طلعت في الوقت ده و شافتها ...   

‏تفيده خافت  قوي من كلام الشغالة وخايفة ل تنفذ كلامها  وعارفة أن كلام الشغالة  كله صح ...وأنا عندها حق  وإن لو  أي حد عرف بالموضوع ده بالذات زين... وبتفكر وبتقول لها ماشي موافق ادفعلك الفلوس

‏الشغالة بمكر/ايوه كده يا ست تفيدة عليكي نور كدا أحبك 

تفيدة ...حسك عينك تفتحي بوقك باللي شوفتيه...لا اقسم بالله ادفنك حية ...

الشغالة/ خدمتك يا ست تفيدة و ما دام هتدفعي ليا  اعتبريني ما شفتش أي حاجة خالص ولا اعرف حاجة  وكل اللي أنتي عايزاه مني أنا هعمله... 

‏ بيجي في دماغ تفيدة أنها ممكن تستغل وجود الشغالة في بيت حسن الجبالي وتكون  لها عين هنا في البيت وتنقل لها على الأخبار أول بأول وكمان تسعدها في رش العمل لو تفيدة

معرفتش تروح في يوم ...

بتبص لها تفيده وبتقول لها وأنا عشان أحبك و أرضا عنك  عايزاكي في مصلحة 

‏الشغالة/ مصلحة ايه ...

‏بتطلع تفيدة العمل من جيبها وبتديه للشغالةوبتقول لها العمل ده تحطيه في اوضة راضية  من غير ما حد يشوفك ...

الشغالة /يا لهوي أنتي مش مكفيكي  زين بيه كمان عايزة تعملي عمل ل  ست راضية ...

‏تفيدة ...وانتي مالك اعملي  اللي أنا بقولك عليه بالحرف الواحد هتدخلي دلوقتي وتخفي العمل ده 

‏وشايفة الإزاز دي 

‏الشغالة مالها 

‏تفيدة...هترشي  منها قدام باب أوضة زين كل ثلاث أيام لما يكون القمر بدر منور  في السماء ...فهمتي هتعملي ايه 

‏الشغالة /فاهمة... هعمل كل اللي قولتي عليه  بس ده هيبقا  بفلوس تانية عشان تبقى عارفة ...

‏تفيدة... ماشي ماشي خلاص اعملي بس اللي بقول لك عليه  الشغالة/ عمري ما كنت أتخيل إنك بتكرهي ست راضية اوي كده ايه اللي بينك وبينها يخليك تعملي لها عمل وكمان تأذي ابنها وتخربي عليه  بالشكل ده...

 مع إنك أنتي كمان مبسوطة سيدي صالح رجل كويس وعندك بدل البيت اثنين وثلاثة وفلوس مالهاش عدد...

تفيدة بغضب ...مالكيش صالح أنا بعمل كده ليه... أنتي ليكي تنفيذي وتاخدي فلوسك وخلاص مش تنسي تحطي العمل في مكان مدري ... امشي يلا غوري وبتمشي الشغالة 

وبتفضل تفيدة تفكر... هتعملي ايه دلوقتي يا تفيدة بعد ما البت دي شافتك ...انا لازم اديها كل اللي هي عايزاه ...في داهية الفلوس تاخد اللي تاخده بس المهم مش تتكلم ولا  تجيب سيرة لحد ...يا رب وقف جنبي ...ده انا  غلبانة وماليش غيرك و استر سري يا رب ومحدش يعرف اللي أنا بعمله ده...

‏**ماذا تقولين احقا تترجى الله بأن لا يفضح سرك وأنتي تقومي بعمل الأعمال والاسحار

**لكل واحدة بتعمل تسحر أو عمل لحد ربنا يقلبه عليها أضعاف أضعاف ويترد ليها في اعز اولادك...بقا منتشر الفترة الأخيرة  الأعمال والأسحار والشعوذه ...والأذية من عمل أو جن أو مس الجسد ...في ناس مريضه وعندهم الأذية شئ عادي وسهل يدفعوا فلوس مقابل الأعمال دي ...

انتوا متخيلين واحد بتدفع فلوس علشان اعمل عمل أو رش أنها تأذي بيه غيرها ...!!؟؟

______________________في القطاع…

يحيي  مالك ي زين …انت كويس 

زين  العادي ي  يحيي مفيش 

يحيي بص يا زين انت مش بقيت زي الاول …مبقتش بتتكلم وكمان مش بقيت مركز في الشغل زي الاول …والعقيد نادر بقا ملاحظ ده اوي …بالذات ف آخر مرة حققت فيها مع الواد الارهابي اللي مسكنه …والعنف والضرب اللي ضربته له مكنش ينفع تعمل كدا …الواد كان هيموت في ايدك 

زين بتنهيدة ضغط الشغل عليا بس يا يحيي 

 يحيي ما احنا طول الوقت في ضغط من الشغل يا زين ايه الجديد يعني …نصيحة مني يا زين متخليش المشكلات الشخصية تأثر علي شغلك …بالذات اللي حصل ليك …وآسف لو بدخل بس القطاع كله بيتكلم عن موضوعك …أنا بنصحك علشان عارف انك ضابط شاطر …اوعا يا زين تخلي اي حاجة تعطلك علي شغلك …ومهما كان حصل ايه كله بيعدي  والله يا صاحبي …

زين الواحد مبقاش قادر يا يحيي ...الكل شايفاني من برا بس محدش عارف ايه اللي جوايا ولا انا بمر بإيه ...كان نفسي كل ده يبقا كابوس وأفوق  منه الاقي كل حاجة رجعت زي ما هي ...

يحيي ...خليك اقوي يا زين ...و انت اللي في ايدك تفوق ...

 

**اوقات كتير بنكون  محتاجين في حياتنا شخص أو صاحب يدينا نصيحة أو كلمة تهون علينا الضغط اللي بنمر بيه ...

 كلمة تحسسنا إنه كله فعلا هيعدي ...

ـــــــــــــــــــــــــــــــــــــــــــــــــــــــــــــــ

‏مريم وألبس القميص ده ليه يا هدي ده مكشوف اوي 

‏هدى  البسي كدا بس أنا يا ستي عايزة اشوفه عليكي

‏مريم مكسوفة اوي ألبسه...مش شايفة عريان ازي...

‏هدي عريان فين بس ...وبعدين أنا حاسة لما تلبسيه هيطلع حلو عليكي خدي قسيه...

 وبعد محايلة من هدي بتاخد مريم القميص وبتدخل تلبسه...

‏هدى أول ما شافت مريم ...يخربيت عقلك يا بت يا مريم ايه الحلاوة دي كلها ...ده يأكل من عليكي حتة... مكنتش اعرف انك هتطلعي جامد اوي كدا فيه ...

‏مريم بجد شكله حلو عليا

هدي ده تجنن عليكي ...تعالي بقا لما تصورك بيه 

‏مريم ...اتكسف يا هدي حد يشوف الصور دي ...وبعدين نتصور بقميص نوم ...

‏هدى ومين بس اللي  هيشوف الصور دي هو أنا هبلة عشان اوريها لحد ...ولا أنتي مش عندك ثقة فيا بقا 

مريم ...لا طبعا واثقة فيكي ...طيب يا ستي صوريني بيه 

‏وبتمسك هدي تلفونها وتبتدي أن هي تصور مريم بالقميص و بأوضاع مختلفة من الصور ...

‏وبعد ما بتخلص تصوير مريم ...بتقول لها بكل خبث مش نفسك بقا تجربي قميص النوم ده

‏مريم مش فاهمة اجربه إزاي يعني م انا جربته اهو 

‏هدي بمكر تجربي تلبسيه ل  واحد مثلا و بتغمز لها 

‏مريم ايه اللي بتقوليه ده يا هدى لا طبعاً...

‏هدى  طيب اصل فيه واحد كدا شافك ...ونفسه اوي يتعرف عليكي...

‏مريم ...واحد مين ده 

‏هدى ده واحد صاحبي كان  جاي ليا وانتي كنتي نازلة من عندي وسالني عليكي مش قادرة أقولك من ساعة ما شافك وهو يجنن عليكي و نفسه يقعد معاكي ...

‏ مريم لا يا هدى مش عايزة أقعد مع حد وبعدين هتكسف وانا معرفهوش...

‏هدى اسمعي بس الكلام مش هتندمي...بقولك الراجل بيحبك هو حد يلاقي حد يحبه في الزمن ده ويقول لا برضوا...

‏مريم في الوقت ده بتفكر  مش عارفة تقولهو ايديه ومحتارة بس اخاف يا هدى حد يشوفني قاعدة معاه...

‏هدي ومين هيشوفك يعني ما انتي هتقابليه هنا عندي ...

وبعدين هو أنتي خايفة من ايه هو الراجل هياكلك...

‏مريم  طيب  ‏بس أنتي هتبقى موجودة معانا 

‏هدي ايوه هبقى موجود هروح فين يعني

‏مريم ماشي خلاص ...بس كلام بس يا حلوة وهقعد معاه ساعة بس ...

‏ هدي بخبث اللي تشوفيها ...و بتغمز لها وبعدين ما يمكن الكلام يجي ورا منه أفعال وبتضحك ضحكة خليعة...

**فيه  شخصيات زي هدى دي في المجتمع  كتير اوي 

**بس يا ترا مريم هتفلت منها ولا هتقع تفتكروا ايه اللي هيحصل بعد كدا ...!؟

#Flash_Back

_هي ايه نظامها ي هدي 

هدي هي البت عجباك ولا ايه 

_بصراحة اوي ي هدي  وبيني وبينك عششت ف دماغي وعايزاها…نظامها ايه 

هدي بضحك خلي بالك دي مش زي اللي عرفتهم قبل كدا البت مريم دي خام ومتعرفش حاجة وهبلة اوي …يعني مش سكتك خالص فكك منها 

_طب م تشوفيها ي هدي وليكي الحلاوة …وبعدين كل واحدة وليها سكة وانتي مش هتغلبي معاها …ولا خلاص اقولك راحت عليكي وبيضحك 

هدي …انت عارف اني لو عايزة أجيبها هجيبها ليك في غمضة عينك …بس الحلاوة المرادي هتبقا كبيرة 

_كل اللي هتطلبيه هتاخديه …بس قوليلي هتجبيها ازي 

هدي  لا ازي دي بقا سبها عليااا…اللي زي مريم دي علشان تتجاب جوا المصيدة لازم ليها تكتكة تانية خالص عن اللي قبلها …والصبر معاها هيطول شوية

_هو أنا لسه هصبر …وهصبر اد ايه يعني 

هدي بضحك لا ده انت كدا وقعت علي الاخر …اصبر علشان تاخد حاجة حلوة …بس المهم ابعتيلي علي حسابي فلوس…علشان فلوسي خلصت يا حبيبي 

_حاضر يا هدهد 

هدي …ي قلب هدهد …علشان خاطر عيونك بقا هروق عليك النهاردة وهدلعك آخر دلع…وبتضحك بكل مياصة 

_______________________

** ندى كانت كل شوية بتروح تزور جنة و تطمن عليها...

وشايفة أنها لازم توقف جنبها في المحنة اللي هي فيها دي وترد جزء من جمايل جنة عليها قبل كده...

‏ندى أنا بصراحة يا جنة شايفة إنك تدي زين فرصة تانية بعد ما جالك هنا ... وأنا بصراحة من كلامه حاسة انه فعلا  بيحبك و هو عرف غلطه...

‏جنة بتنهيدة معرفش يا ندي بس تفتكري ممكن كل حصل ترجع زي الاول !..

‏ندى عادي جدا يا ندي ...كل واحد فينا بيبقا بس محتاج فرصة واحدة ... وانتو الاثنين لازم تقعدوا تتكلموا مع بعض صدقيني يا جنة زين لو  مكانش حس بغلطه  وأنه لسة باقى عليكي مكانش جاه من الأول ...

‏جنة تعرفي يا ندى انا بحس وبشوف حاجات غريبة طول الوقت...وأشكال ناس معرفهمش وأحلم بكوابيس وأحس نفسي في حد بيخنقني ...لدرجة الكوابيس دي بقت بطردني حتي وانا صاحية مبقتش عارفة أعمل ايه...

‏ندى ما يمكن علشان انتي حاسة ب ارتباك وخوف شوية 

‏جنة بتنهيدة معرفش يا ندى بس كل اللي أنا اعرفه إن أنا مش مبسوطة وحاسة نفسي مخنوقة اوي أنا طول الوقت حزينة حتى وأنا نايمة وأحس إن حد جنبي بيتنفس أو بيلمسني ...مع اني يكون قاعدة لوحدي في الاوضة...لدرجة إني ما حكيتش الكلام ده لما ماما جميلة لأنها ببساطة  هتقولي برضوا نفس الكلام اللي أنتي بتقوليه ده  دلوقتي ممكن يكون بتهيألي ...ودموع جنة بتخونها و بتنزل 

‏ندى بتقرب منها و بتطبطب عليها مالك بس يا  جنة في ايه بتعيطي ليه دلوقتي إذا كان على موضوع زين خلاص أوعدك مش هكلمك عنه تاني...

‏ ندى أنتي كويسة يا جنة مش تقلقيني عليكي والنبي بلاش تعيطي بقى...

‏جنة بعياط والدموع تنهمر منها...أنا مش كويسة خالص يا ندى تعرفي ايه اللي وجعني دلوقتي قلبي ...

قلبي لسا لحد دلوقتي بيفكر في زين ...زين اللي أنتي أول بس ما جبتي سيرته قلبي وجعني عشان أنا عايزاه واحشني قوي يا ندى قوي ...

‏ وبتبص ندي ل جنة بإستغراب و قبل ما ندى كانت تتكلم كانت جنة بتقول لها...

‏جنة مش تستغربي من كلامي بس دي الحقيقة أنا عايزة زين  وأنا من جوايا مقهوره وزعلانة أنا مش هبقى مع زين تاني تعرفي يا ندي زين ...هو البني آدم الوحيد اللي أنا حبيته في حياتي كلها لأني حبيته بقلبي وروحي على عكس ماجد خالص أنا عمري ما حبيت ماجد في الأول لانه مكانش الإنسان اللي أنا كان نفسي اكمل حياتي معايا ...بس أنا اتخطبت  له علشان بابا عز وماما جميلة كانوا شايفينه مناسب ليا مش اكتر ... وخلاص وإنهم كانوا فاكرين إنه هو فعلا بني آدم محترم بس في الآخرة طلع زبالة ...

‏ندى طب ما دي ي حاجة كويسة يا جنة إنك لسة بتفكري في زين وتجربي ترجعي له ...

‏جنة كرامتي اداس عليها اوي يا ندي ... أنا مش عارفة أعمل ايه ..أنا فاكرة أول مرة شوفت فيها زين حتى لما كان بيهزر معايا  في الشغل كنت بحب هزاره اوي ... وبرغم إن أنا كان جوايا غرور من ناحيته...وعايزة اديله فرصة تانية  بس عقلي مش عايز يساعدني في كده مش عايزة احس انه أكتر  شخص حبيته وكنت مبسوطة معاه ...هو  نفس الشخص اللي تخلى عني بسهولة وصدق كلام الكل عني ...انا في حيرة اوي 

‏ ندى  فكري بقلبك سيبي عقلك  دلوقتي على جنب فكري إن زي ما أنتي محتاجة زين ...

 هو كمان محتاجلك...  كلنا بني ادمين بنغلط و  بنقوم وبنحاول من تاني ‏يمكن كل اللي حصل ده كان خير ليكي

و ربنا حطك في ابتلاء علشان عايز يعرف صبرك هيوصل  لحد فين ...

‏جنة كل ده  وبتقوليلي خير  ‏... أنا كنت خلاص نسيت زين بس مع الوقت اكتشفت أن أنا كنت بوهم نفسي إني فعلا نسيته بكذب نفسي...

‏ندى أنتي يا  جنة نفسك زين يرجعلك قوي ويمكن النهارده قبل بكرة بس غرورك والحيرة ده مانعك من كده ...

‏

‏حتى وانتي دلوقتي بتتكلمي عنه عينك بتلمع  احنا بنعيش الحياة مرة واحدة بس يا نعيشها صح مع الإنسان الصح اللي بيحبنا ونفسه في فرصة من تاني ..يا بلاش نعيش خالص ‏ وبتمسح ندى دموع جنة وبتاخدها في حضنها و بتقولها مش كله هيعدي ..اطمني 

‏جنة ربنا يخليكي ليا يا ندى أنا مش عارفة من غيرك والله كنت هعمل ايه أو كان مين هيسمعني ولا يوقف جنبي زيك 

‏وهنا بتدخل جميلة وبتقول لجنة ‏بحب يا جنة عندي ليكي  خبر حلو اوي ...

‏جنة خير يا ماما خبر ايه 

‏جميلة زين تحت مستنيكي يا جنة 

‏جنة من جواها أول ما سمعت كلمة زين قلبها كان بيرقص من الفرحة وهي مش مبينة ده تماما بس شكلها من بره بيقول زين وايه اللي جابه هنا ...

‏جميلة جاي ي  جنة علشان يرجعك وعايز يتكلم معاكي

‏جنة انزلي يا ماما وقولي له أن أنا مش عايزة اتكلم معاه  وخليه يمشي ... 

‏ندي بتبص لجنة بإستغراب ايه ده يا بنتي هو أنتي بحالات

‏جنة اسكتي أنتي بس يا ندى دلوقتي أنا عارفة أنا بعمل ايه كويس... انزلي يلا يا ماما 

‏جميلة يا بنتي ما تفكري تاني...زين جاه ولحد عندك وعايزاك 

‏جنة لو سمحتي يا ماما ...كفاية كلام ...

 جميلة طيب يا بنتي اللي أنتي شايفاه ...

‏ندى أنا بصراحة مش بقيت فاهمكي ابدا ...

‏وفي اللحظة دي كانت جميلة نزلت وعرفت زين كلام جنة وهنا زين بيستأذن منها أنه يطلع لها وبيفتح زين  الباب ... 

‏جنة بصدمة أول ما شافته ...أنت اللي جابك وازي ماما تسيبك تطلع هنا ...

‏زين أولا أنا أستأذنت منها اطلعلك ... ثانياً بقى ممكن أعرف انتي  مش عايزة تقابليني ليه هو أحنا مش خلاص قولنا كل واحد هياخد ريست وانك تفكري...

‏جنة وأنا خلاص فكرت و قررت...

‏زين وإيه بقى نتيجة التفكير والقرار ده 

جنة يعني مش هرجع لك تاني يا زين وأظن بقى الرجوع مش بالعافية أنا براحتي...

‏زين بس ده مش بمزاجك يا جنة ...  وبيبص لها ف عنيها 

سيبك بقى من التكبر اللي فيكي ...كده يا بت يعني أنتي خلاص مش  بتحبيني...

‏لكم  أنا  تتخيلوا إحساس جنة ...عامل إزاي كانت طايرة من الفرح لدرجة  كان ناقص  عيونها تطلع قلوب فراشات بس كانت مبينة عكس كدا تماما ...

‏

‏وكل ده ندى قاعدة تستمع لكلامهم وراحت متكلمة ...يا حول الله ي رب ...اومال مين اللي كانت لسه قايلة من شوية بحب زين ومستحيل تعرف تعيش من غيره ...ما هو قدامك اهو 

‏جنة في  نفسها الله يخرب بيتك يا ندي لازم تنسحبي من لسانك ...ايه  اللي بتقوليه ده يا ندى ...و بتبص يمين وشمال

‏زين ايه عينك راحة يمين و شمال ليه ... 

‏ندى والله يا زين جنة بتحبك اوي على فكرة ويا رب ترجعوا  تاني لبعض...

‏زين طب لو  سمحتي ممكن تسبينا لوحدنا شوية

‏ندى اه طبعا وبتسبهم وبتنزل...

‏زين   أنا ما جبتش حاجة من عندي هي اللي قالت كل الكلام أنتي بجد قولتي الكلام ده عني ...

‏جنة بتكبر لا مقلتش حاجة ...

‏زين بيقرب منها يعني أنتي متأكدة إنك عايزاني أمشي...

‏جنة بغرور اه امشي عادي ...

‏وهنا زين بيعمل نفسه انه فعلا ماشي ولف وبيديها ظهره وبيتجه ناحية الباب كأنه في اللحظة دي جنة  كانت حاسة روحها بتروح منها أول ما شافت زين ماشي وقلبها بدأ يدق بسرعة قوي وفي لحظة نفسها تقوله استنا ما تمشيش بس مش قادرة تنطق الكلمة ... وفي اللحظة اللي خلاص زين  بيفتح فيها الباب بتغمض جنة عينيها...استنا 

‏  زين أول ما سمعها فرح قوي وابتسم ولف ظهره ناحيتها من تاني ‏استنا ايه

‏جنة استنا ما تمشيش

‏زين ...عايزة ايه ...

‏جنة  بتبص في الأرض ما تمشيش عشان أنا بتطمن بوجودك وخايفة اوي وأنت مش معايا ما تمشيش عشان أنا قلبي من غيرك تايه وحزين وعايزك تحسسني بالأمان زي الأول جنة بعيط أنا عايزك يا زين ‏

‏زين كان فرحان ومبسوط اوي من الكلام اللي بيسمعه وبيقول لها وأنا عمري ما هسيبك يا جنة عشان أنتي عمري وحياتي وكل دنيتي... حقك عليا أنا غبي إني فرط فيكي بالسهولة دي  كلها من هنا ورايح مش عايز أسمعك تقولي خايفة دي أبدا طول ما أنا جنبك مش تخافي من أي حاجة ولا من أي حد ‏حقك عليا في كل اللي حصل  وبيمسك ايديها ده أنا اللي معاكي بحس بالأمان عايز أقولك أنا من غيرك مش عارف أعيش تاني ...كله هيعدي بكل

‏وهتقفي على رجلك من تاني... بس عشان خاطري سامحيني وديني فرصة ثانية عشان أنا والله استحق الفرصة دي ...

‏جنة كانت متردده في نفس الوقت فرحانة اوي بكل كلمة زين قالها ...

 جنة  بس خايفة اوي يا زين خايفة اديك الفرصة دي وأنت ترجع تضيعه من تاني...

‏زين بيبص في عيونها  وأنا عمري ما أخليكي تندمي إنك في يوم رجعتي ليا ... انا هنا علشان أعوضك  وبيقرب منها وبياخدها في حضنه ...جنه حاسة فعلا بالأمان لما رجع زين  لها تاني حاست أنها مش عايزة تخرج من حضنه ابدا  ...

‏وبيبص زين ل جنة انا هجبلك حقك من اللي عمل فيها كدا وترجع ترفعي راسك من تاني ...وترجعي لشغلك وترجعي ليا  أنا اهم حاجة وبيضحك ...

 يلا بينا  دلوقتي علي  المأذون عشان أردك...

‏جنة ...علي طول كدا يا زين ...

‏زين ...هنستنا ايه تاني بقا يا جنة وبخبث بس  تعالي هنا قولي ليا ايه الحلاوة اللي أنتي فيها دي بقى...

‏جنة ...يا سلام ...علي كدا مكنتش حلوة قبل كدا ...

زين ...لا طبعاً ازي ...انتي حلوة طول الوقت ...م تجيبي بوسة بقا وبيغمز لها ...

‏جنة وهي بتخرج من حضنه وتضرب على كتفه اتلم يا زين عيب كدا ...

‏زين بضحك عيب ايه بس حرام عليكي بقى تعبتني معاكي وبمكر طب بوسة مشبك طيب أي حاجة ...

‏ جنة يا بني ابعد بقا ...انت خدت حضن كفاية...

‏زين  ماشي ‏ماشي كلها كم ساعة وترجعي تاني مراتي و حلالي ... محدش هيقدر يمنعني من اللي هعمله و بيغمز لها… يلا بقا بلاش تضيع وقت أنا هنزل تحت ودقيقة وتكوني لابسة و جاهزة عشان نروح عند المأذون ماشي وبيسيب جنة اللي الدنيا مش سايعهااا...

‏ بتكون فرحانة  بتطلع فوق السرير وتفضل تنط من الفرحة وبعدين بتقعد على السرير ...وتقول يا رب خليلي زين ونكون مبسوطين مع بعض ‏أنا مش عايزة حاجة غيره هو وبس  وبعدين بتروح جنة تلبس وتجهز نفسها ...

بعد م زين هو و جنة بيروحوا عند المأذون وزين بيرد جنة ل عصمته من تاني ...

زين بفرح ...وخلاص رجعتي ليا يا جنتي 

جنة بإبتسامة ...انا فرحانة اوي يا زين ...ربنا يخليك ليا ...

زين ...ده انتي اللي ربنا يخليكي ليا ومن النهاردة اوعدك عمري م هزعلك وهتفضلي في قلبي ...و دلوقتي بقا هاخدك وهنروح عند والدتك ناخدها و تاخدي حاجاتك ونسافر علي سوهاج ...

جنة ...زين  عايزة اقولك علي حاجة ...

زين حاجة إيه 

جنة بصراحة خايفة لتكون انت او اهلك  مش حابين وجود ماما معايا ...وأنه ازي تبقا عايشة معايا ...لو انت مكسوف تقولي كدا ...انا هتفهم ده 

زين بيمسك أيدها وبيطمنها ...ايه اللي بتقوليه ده يا جنة ...لا طبعا مامتك زي امي بالضبط وانا مستحيل افكر كدا ...

او اقبل انها  تفضل في مكان وانتي في مكان انتوا الاتنين ملكوش غير بعض ... 

وحتى ملكيش دعوة بأهلي والله هم بيحبوكي ...وبعدين انتي عايشة معايا وفي بيتي ومامتك هتقعد وهتبقا و واحدة مننا ...وانا عارف  لما بتكون جمبك ومعاكي انتي بتحسي بالأمان ...وانا عمري ما هبعدها عنك ... أوعي تقولي الكلام ده تاني ...انتي وهي في عيوني ...وبياخدها زين ف حضنه...

وبيقولها ...يلا بينا بقا وبيركبوا العربية ...

بعد السفر بيوصلوا سوهاج ...وهما واقفين قدام البيت 

جنة بتبص ل زين ...انا خايفة اوي يا زين ...

زين بيمسك أيدها وبيطمنها...خايفة من إيه وانا معاكي ...ارفعي راسك وانتي داخلة يا جنة ...

وبياخدها زين وبيدخلوا البيت ...

وهنا  بيبقا قاعد...راضية وتفيدة وسليم و ازهار و مودة

كلهم اتصدموا اول م شافوا زين داخل ب جنة وبيبصوا ل بعض مش فاهمين اي حاجة ... 

راضية ...انت جايباها ايه يا زين ...انت مش طلقتها خلاص 

زين ...انا رديت جنة 

راضية ...ردتها !؟ ازي ده ...مش فاهمة ...انت واعي بتقول إيه ...

زين ...ايوه واعي ...جنة رجعت مراتي من تاني وهتعيش هنا هي و مامتها...

**تفيدة سامعة وهي من جواها هتموت من كلام زين ومش مصدقة اللي سمعته...

**سليم و ازهار فرحانين أنه رجعها 

**مودة كانت عارف أنه سليم هياخد القرار الصح وهيفكر 

راضية...ازي ترجعها وانت عارف انها خاينة انت مش مكفيك اللي هي عملته ...وفضحتنا اللي بقت علي كل لسان في البلد ...انت مستحيل تكون في واعيك ...

 زين ...جنة مش خاينة ...ومحدش له دعوة باللي حصل وهي مظلومة واللي عمل كدا انا هجيبه ...ومش عايز اي حد يتكلم عليها وحش ولا يجيب سيرتها علي لسانه أو حتي يتعرض لها بسوء ...ولا هي ولا مامتها...

تفيدة بتخرج عن صمتها وبتقوله ...ازي بس يا زين مظلومة ...متكنش ضحكت عليك بكلمتين خلتك رديتها تاني ...دي فا*جرة...

زين بغضب وهو بيعلي صوته ...ايه الكلمة اللي قولتيها دي ...حسك عينك تجيبي سيرة مراتي تاني بالشكل ده ...وبيبص لها وعينه مليانة غصب ...والله لو مش كنتي مرات عمي ...و حد تاني كان قال الكلام ده ل كنت دفنته مكانه ...

سليم ...خلاص يا زين هدي نفسك ...مرات عمك برضوا وميصحش كدا هي مش تقصد ...

زين ...اومال ايه اللي يصح ي سليم أنها تعيب في مراتي وانا واقف  وعايزاني اسكت ... 

راضية...مرات عمك خايفة عليك وعندها حق ...

وانا اللي بقولك اهو يا زين البت دي هترجع من مطرح ما جات هي و أمهاا ... احنا مش ناقصين بلاوي تاني كفاية لحد كدا ...

زين ...و جنة مش هتروح ف حتة يمااا ...جنة مراتي سواء برضاكي أو غصب عنك ...وبكرا لما اجيب اللي عمل فيها كدا كلكم هتتأسفوا لها انتي و مرات عمي علي كلامكم ده ...

وأرجع لها كرامتها ...و كرامتها من كرامتي بالظبط ...

وبيبص زين ل جنة اللي واقفة وحاطة رأسها في الأرض وشكلها خايفة وعيونها فيها دموع ...

بيقرب زين منها وبيرفع رأسها وبيقولها ...ارفعي راسك انتي في بيتك وحقك عليا من الكلام اللي سمعتيه...وبيبوس ايديها ...و رأسها قدام الكل ... وبياخدها هي و جميلة وبيطلعوا علي فوق ...

**كيف لا أقع في حبك يا حبيب قلبي  ...وانت كما قولت عنك طوق النجاة ...اكرمتني ...واستردت لي مقامي ...وشأني أمامهم ...فأنت قوتي 

**وكيف انا يا حبيبت القلب أفرط فيكي ...انا اسف لكل ما حدث ...اسف لإني تركتك وحدك من قبل ...

_____________________________علي السفرة ...

رءؤف...مالك يا ملك مش بتأكلي ليه ...

ملك ...ما انا بأكل اهو ..

رءؤف...بتأكلي فين ده يا بنتي ...ده انتي من ساعة ما قعدتي علي السفرة ...مكلتيش حاجة ...

نرجس ...معلش يخويا ...يمكن حاجة مزعلها ...

رءؤف...فعلا يا ملك في حاجة مزعلاكي زي ما امك... بتقول ...قوليلي يا بنتي ماجد مزعلك ...

ملك...لا ابدا ي بابا ...ماجد عمره ما زعلني ...ده بيحبني اوي ...

رءؤف...الله طب اومال في إيه ...

ملك ...مفيش حاجة صدقني يا بابا 

رءؤف...طب خدي اللقمة دي من ايدى وفي لحظة اول ما  ملك  بتاخدها اللقمة من رءؤف وبتشمها ...بتجري علي الحمام علي طول ...

وبيجروا نرجس و رءؤف وراها ...

بتدخل ملك الحمام بترجع كتير اوي وماسكة بطنها ...

رءؤف بخوف ...ملك مالك يا بنتي ...

نرجس ...طمنيني عليكي يا ملك 

ملك...متخافوش  انا كويسة 

نرجس بخوف ...منخافش ازي بس يا ملك 

 انتي مش شايفة وشك بقا أصفر إزي ..تعبانة فيكي ايه بس 

رءؤف بقلق ...تعبانة ...انزل اجبلك دكتور يطمنا عليكي يا بنتي ...

ملك ...لا لا ملوش لازمة الدكتور ...انا هبقا كويسة ...

نرجس ...متأكدة يا بنتي ...مش يمكن داخلة علي  دور برد ...اديكي شايفة الجو بقا عامل ازي 

ملك ب توتر  ...اه اه فعلا ممكن يكون كدا ...

رءؤف ...اغلي لها يا نرجس حاجة ساخنة تشربها ...وانا هنزل اجيب لها دوا  للبرد ...ادخلي يا ملك اوضتك وادفي كويس يا بنتي لحد م امك تخلص 

ملك ماسكة باطنها ...حاضر وبتدخل ...

رءؤف بيبص ل نرجس ...انا قلقان اوي علي ملك يا نرجس 

نرجس ...ليه بتقول كدا يا رؤوف 

رءؤف...مش عارف ...بس انتي مش شايفة وشها بقا أصفر إزي وهي نفسها بقالها كام يوم كدا متغيرة ...

قلبي بيقولي أن فيها حاجة ...بس معرفش ... يمكن ماجد فعلا مزعلها بس هي مش عايزة تقولنا ...

نرجس ...ماجد مين بس يا رءؤف ...الواد طيب و بيحبها ... ...هم شوية البرد دول اللي مخلينها كدا ...ولما تاخد الدوا هتبقا كويسة ...مش تشغل بالك انت 

رءؤف ...لو مش هشغل بالي ب بنتي...

 هشغل بالي ب مين بس يا نرجس ...ادخلي عندها  وخلي بالك منها وانا هنزل اجيب الدوا واجي ...

بعد شوية بيجي رءؤف بالدوا وبتاخده منه ملك وبتحطه جنبها ...

رءؤف ...ايه يا ملك  مش هتاخدي الدوا يا بنتي 

ملك ب إرتباك ...هااا لا يا بابا ...انا بقيت كويسة 

رءؤف ...بالسرعة دي ...يا بنتي خديه ...علشان تخفي 

ملك ...متقلقش يا بابا عليا والله بقيت كويسة ...انا هنام اصلا وهبقا تمام لما أصحا ...

رءؤف ...متأكدة ...

ملك ...ايوه ...روح انت علشان شغلك ....

رءؤف بيقرب منها وبيبوس رأسها ...ماشي يا بنتي ...ربنا يطمني عليكي ...عايزة حاجة اجبهلك وانا جاي ...

ملك ...عايزة سلامتك ... وبيمشي رءؤف ...

بس بيسيب ملك في تفكيرها ل  نفسها ...

ملك  وهي حاطة ايديها علي بطنها ...لا لا أكيد مش اللي في بالي ...عدم نفس للأكل  ...و ترجيع ...وغثيان ...ده غير عدم الانتظام في النوم الفترة اللي فاتت ... ملك بخوف ...انا دكتورة وعارفة الأعراض دي كويس و بتاعت إيه وعاملة تكدب نفسها ...وتقول يا رب يطلعوا شوية برد فعلا وبتنهيدة ...أنا لازم أقطع الشك باليقين واتأكد ...بس هتأكد ازي مينفعش انزل ...هستنا لحد بكرا ...وبتنام ملك  وهي خايفة ...

بيعدي الليل وبتصحا ملك الصبح ...

نرجس ...راحة فين ي ملك  بدري كدا 

ملك ب إرتباك ...هنزل بس يا ماما اجيب حاجة من تحت وهطلع علي طول ...

نرجس ...ماشي يا بنتي بس متتأخريش علشان بحضر الفطار   انزلي وانا اكون خلصت و  صحيت ابوكي نفطر سوا ...

ملك ...ماشي وبتنزل ملك و تروح الصيدلية ...وتجيب اختبا*ر حمل ...وبترجع و اول م بترجع بتدخل علي طول علي الحمام ...وبتعمل تحليل للإختبار و بتنهيدة بتغمي عنيهااا وبعد ثواني بتفتحها ...وبصدمة بتلاقي شرطتين...

ملك  ...يا نهار اسود هعمل ايه دلوقتى ...يااادي المصيبة اللي انا فيها ...حامل ازي بس انا مصدومة يارب هعمل ايه ...وهنا بيخبط عليها رءؤف ...ملك يلا علشان نفطر ...

ملك ب توتر ...حاضر جاية ...وبتاخد ملك نفسها وهي كلها يأس وخوف و قلق بتخرج من الحمام ...

رءؤف ...يلا علشان تفطري ...

ملك ...معلش ي بابا افطروا انتوا ...انا هدخل ألبس ونازلة الشغل ...وبتدخل ملك اوضتها بتمسك التليفون وبترن علي ماجد مش بيرد ...بتحاول تتصل كمان مرة والتانية برضوا مش بيرد ...طب اعمل ايه انا لازم اروحله دلوقتي ...انا مش عارفة افكر ...وبعد ساعة كانت ملك وصلت قدام شقة ماجد بترن الجرس مش بيرد بترن تاني بيفتح ماجد الباب 

ماجد ملك  ...انتي اللي جابك علي الصبح كدا 

ملك ب توتر ...انت فين يا ماجد بتصل عليك مش بترد ليه 

ماجد مخدتش بالي من التليفون 

ملك  ...انا في مصيبة يا ماجد ...

ماجد ...مصيبة ايه ...طب ادخلي نتكلم جوا ...وبتدخل ملك وهي بتعيط...

ماجد ...مالك ي ملك  بتعيطي ليه ...

ملك ..انا حامل ي ماجد ...حامل ...

ماجد بعدم اهتمام ...طب وانا مالي 

ملك بصدمة من كلامه ...مالك ازي ...بقولك حامل ...يعني انا في مصيبة وانت السبب 

ماجد بلا مبالاة ...انا السبب في ايه وانا مالي 

ملك بتبص ل ماجد مصدومة ...هو اللي وانت مالك مش انا حامل منك ...والمصيية اللي انا فيها دي انت كمان فيها 

ماجد ...المصيبة دي مصيبتك لوحدك يا حلوة ...روحي شوفي انتي حامل من مين ...انتي جاية ترمي بلاكي عليا 

ملك بعيط ...انت اكيد بتهزر صح ...

قول انك بتهزر يا ماجد ...هيكون من مين ما هو منك انت ...محدش لمسني غيرك ...وبتبصله ملك وهي مغلوبة علي أمرها وبتترجأه أنهم لازم يتجوزوا بسرعة

ملك...احنا لازم نتجوز يا ماجد ...

ماجد بضحك ...اتجوز واحدة شمال ...مشيت في الحرام لا وكمان حامل أنتي  مجنونة 

ملك...شمال !! انا مخطوبة ليك ...وانت اللي خلتني اعمل كدا ...فين كلامك ليا وانك بتحبيني ومستحيل تسبني ...والنبي علشان خاطري يا ماجد وبتمسك أيده ...ابوس ايدك ...انت لازم تشوف حل ...وبتكمل كلامها وهي متوترة وخايفة وعنيها تنهمر من كتر الدموع ...أنا هتفضح وبابا و ماما لما يعرفوا هيعملوا ايه ...

ماجد بيسيب أيده منها ....هو انا غصبتك علي حاجة ...ما كله كان برضاكي ...هو انا ضربتك علي ايدك ي حلوة علشان تعملي كدا ...يبقا ملكيش حاجة عندي دلوقتي ...وإذا كان علي الخطوبة هفسخهااا...روحي لبسي المصيبة لحد فيري يا شريفة ...

ملك بعياط ...لا يا ماجد لا ...انت هتبعني !!...والله العظيم اللي في بطني ده منك انت ...فين كلامك و وعودك ليا ...فين الكلام اللي كنت طول الوقت بتقوله ...وإن أنا احلي واحدة انت شوفتها ...واكتر واحدة حبيتها ...ايوه انا عملت كدا برضايا بس ده علشان ارضيك انت ...علشان متزعلش مني وتفضل تحبني ...انت لمستني هنا في شقتك لمستني وانا كنت فاكرة اني كدا بخليك مبسوط واني الإنسانة اللي انت بتحبها علشان بتسمع كلامك ...انت مستحيل تكون بني ادمن ...انا اتخدعت فيك ...

ماجد بضحك ...معلش بقا يا روحي ...كله كان بكيفك ...انتي هبلة يا بت تسلميني نفسك واعمل معاكي علا**قة وتقولي انك مش كنتي عايزة تزعليني ...يبقا مش تلومي غير نفسك يا حلوة ...محدش قالك يا شريفة تبيعي نفسك ليا ...

أوعي تكوني فاكرة اني حبيتك انتي بالنسبالي كنتي مجرد واحدة زيك زي غيرك اللي عرفتهم وسلموني نفسهم قبل كدا ...محدش فيهم يا ماما مبيعملش حاجة غير علي كيفه وانتي كنتي متكيفة وانا بلمسك في كل مرة كمان ...

ملك ...بس انا مكنتش عايزة اعمل كدا في الاول وانت السبب ...

ماجد ...عملتي كدا في الاول بالعافية ...طب و تاني مرة وتالت مرة ورابع مرة كانت بالعافية و بالغصب ولا ايه !!!؟ما تردي شوفتي بقا أنه كان برضاكي وكيفك ...واحدة خلتني ألمسها بدل المرة أربعة ...يبقا يوم م اتجوز مش هتجوزها اكيد ...انا هتجوز واحدة شريفة مش زيك يا زبالة ...واحدة محترمة ...

ملك كل ده كلامه زي السكينة علي قلبها ...مصدومة مستحيل هو ده معقول الشخص اللي كان بيقولها كلام معسول ...وكلام كله حنية وطيبة ...معقول ده الإنسان اللي طول فترة الخطوبة انتي كل ما ليا ..وانتي وانتي ...لا مستحيل تكون اعرفه ...معقول اكون اتخدعت فيه اوي كدا ...وبتبص له ...وعنيها ضعيفة ...ارجوك يا ماجد انا غلطانة انا استاهل ...بس علشان خاطري بلاش تعاقبني كدا بلاش تضيعني  وتضيع مستقبلي ...انشالله تتجوزني ليوم واحد بس انا راضية ...بس علشان مش اتفضح واللي في بطني ده ...يوم واحد بس وبعدها اعمل اللي تعمله وبتوطي علي أيده تبوسها ...

ماجد بيزقها علي الارض ...بس يا زبالة ...يا رخيصة ...اتجوز مين يا بت ...انتي صدقتي نفسك ولا ايه ...انا عمري م هتجوز واحدة زيك ...روحي نضفي و**سختك دي بعيد عني ...وانا مالي م تتفضحي ولا تروحي في داهية تاخدك انتي و اهلك ...انتي بالنسبالي حلاوة روح و دوقتك وخلاص ...وخدت منك اللي عايزه ...غير كدا مفيش ...ده انتي خونتي صحبتك ...انا عمري م حبيتك انا خطبتك علشان اخلي جنة تولع وتعرف اني خطبت صاحبتها اللي كانت اقرب واحد ليها ...واعرفها اني زي ما هي بعتني انا كمان خليت صاحبتها تبعهااا...علشان تعرف أنه محدش باقي عليها وأن حتي انتي مش بتحبيهاا...

غير كدا انا عمري م حبيتك ولا شوفتك من الأساس ...انتي بالنسبالي كنتي كوبري علشان اوصل احساس ل جنة أنها تغير...اظن كدا أنتي عرفتي قيمتك عاملة اوي ...

ملك بعيط ...انت احقر واحد انا شوفته في حياتي كلها ...انا اللي استاهل علشان وثقتك في واحد زيك ...امنته علي نفسي ...استاهل علشان كنت فاكرة انك تستاهل اني اتخطب ليك ...واني بعت صحبتي علشانك ...انت طلعت متستهلش ...جنة فعلا ربنا بيحبها أنه خلصها منك ...جنة اللي عمري م شوفت منها غير كل خير ...اللي كانت طول الوقت جنبي ...انا غبية علشان ضيعت صاحبة زي دي من ايدي ...غبية علشان بعتها واشترتك انت ..غبية علشان فرطت في عشرة عمري علشانك ...جنة فعلا مكنتش تستاهل مني كدا ...انا خسرتها للأبد...منك لله حسبي الله ونعم الوكيل فيك ضيعتني ...انت يا ماجد واحد زبالة ...

ماجد بغضب ...مين ده اللي زبالة يا بنت ال *كلب وبيقرب منها وبياخد من أيدها وبيفتح باب الشقة ...وبيقولها يلا يا عر**ة يا زبالة غوري من هنا ...وحسك عينك أشوفك في مكان ولا تتصلي بيا انتي فاهمة ...وبيرميها في الأرض وبيقفل الباب ...

وملك حاسة أنها بتحلم حاسة أنها في كابوس مش عارفة تعمل ايه ...زي م بكون حد خابطهت علي دماغها تفكيرها وقف ...وبتعيط ملك علي حالها...وبتسند نفسها علشان تقوم وعيط مستمر من كل اللي حصلها وبتقوم تمشي وبعد شوية بتوصل البيت ...بتدخل اوضتها من غير ما حد يحس بيها رءؤف ابوها في الشغل و نرجس في المطبخ ...

بترمي شنطتها علي السرير...بتمسك تليفونها وبتقعد علي الارض ... بتفتح شات جنة ...وبتكتب ...ازيك ي جنة ...انا حزينة اوي يا جنة كان نفسي اتصل عليكي ...اتكلم معاكي ...أنا محتاجلك اوي  ...حقك عليا في كل حاجة وحشة عملتها فيكي ...حقك عليا اني بعتك ...بالسهولة دي ...حقك عليا اني بعت صحبتي واختي ...انتي مكنتيش تستاهلي مني اني اعمل فيكي كدا ...انتي إنسانة نضيفة اوي من جواكي وبتحبي كل اللي حواليكي ...طول الوقت كنتي معايا...في كل حاجة في حياتي...كنت لما ابقا مخنوقه الاقيكي جمبي تهوني عليا...أو عندي مشكلة تكون ادخلتي وحلتيها ليا ...انا ظلمتك اوي وجيت عليكي ...مع انك تستاهلي اني اردلك 

الجميل ... ماجد مكنش يستاهلك ي جنة ...ماجد خاني وضحك عليا ...علشان انتي نيتك كويسة ربنا  بعده  عنك ...علشان مش يأذيكي زي م أذاني وضيعني و ضحك عليا ...وبتكمل كلامها ...انا زعلانة علشان خسرتك ...خسرت صاحبة واخت بجد ...مش هقدر اعوضها تاني  انا اللي بعتك ومفكرتش فيكي و روحت اتخطبت ل ماجد ...انتي يا جنة مفيش زيك ولا عمري قبلت صاحبة بتحبني كدا كنتي بتخافي عليا اوي ولما بعوزك بلاقيكي ...حقك عليا يا جنة ...سامحيني ...بكتبلك الكلام ده وانا مش هعرف هشوفك تاني ولا لا ...بس عايزاكي لما تقري المسج دي تعرفي ...اني ندمانة...ومش لاقية حد يقف جمبي وبقيت لوحدى  ...مش عايزة اتفضح وافضح اهلي معايا ...سامحيني ي جنة ...وخلي بابا و ماما هم كمان يسامحوني ...انا مش هقدر اواجهم ...علشان هم مكنوش يستاهلوا مني كدا ...مكنوش يستاهلوا اني احط رأسهم في الطين ... انا اسفة ليكي وليهم ...ادعيلي ربنا يسامحني علي اللي عملته وعلي اللي هعمله دلوقتي ...و ادعيلي كتير ربنا يغفرلي ...

وسامحيني ...

وبتخرج ملك من الشات وبتقفل تليفونها ...

وهي قاعدة علي الارض بدموع راجية ...سامحني ي رب ...عارفة اني غلطت بس انت غفور رحيم ...سامحني انا هعمل كدا علشان ارتاح ... علشان تعبت ومش لاقية حد معايا يقف جمبي ...وبتقوم ملك وبتتجه ناحية ...

بعد شوية بيوصل رءؤف وبيسأل نرجس عن ملك ...

رءؤف...ملك جات ي نرجس ولا لسه 

نرجس ...معرفش يا رءؤف انا كنت في المطبخ ...انت جاي من الشغل بدري النهاردة ...خير 

رءؤف ...استأذنت لآخر اليوم ...قولت هخرج ملك النهاردة انا شايف أنها محتاجة تغير جوا وحاسس أن نفسيتها مش احسن حاجة... هتصل عليها كدا اشوفها فين ...ايه ده بتصل تليفونها مقفول...ميكونش جات من برا وانتي مش خدتي  بالك 

نرجس ...يمكن ...ما هي ساعات بتيجي وتدخل علي أوضتها علي طول ...

رءؤف ...ماشي هدخل اشوفها جوا ولا لا ...وانتي كمان هخلص اللي في المطبخ وألبسي  علشان هنخرج نتفسح كلنا سوا ...وبيسيب رءؤف نرجس وبيتجة ناحية أوضة ملك بيخبط محدش بيرد ...بيمسك الأقرة بيفتح الباب و...